Twitter edhe për telefonat e bazuar në WindowsPhone 7

[You must be registered and logged in to see this link.] alt="" />

Faqja më e njohur për mikro-blogje, Twitter gjatë ditës së djeshme ka njoftuar edhe zyrtarisht për aplikacionin e saj të dedikuar për të gjithë përdoruesit e sistemit operativ Windows Phone 7.

Aplikacioni i kësaj faqeje tashmë është në dispozicion për të gjithë përdoruesit e të gjithë telefonave të mençur të cilët bazohen në Windows Phone 7, dhe i njëjti vjen me karakteristika të ngjashme me aplikacionet tjera që Twitter i ka bërë në platformat tjera si ajo e iOS, e kompanisë Apple.

Sikur me klientët tjerë mobil, Twitter për Windows Phone përfshin të gjitha karakteristikat që ju prisni nga Twitter – historinë e cicërimave, përdoruesit e sugjeruar, mesazhet, listat, dhe mënyrat për të eksploruar Twitter, edhe pa u regjistruar në faqe.

Twitter App për Windows është me të vërtetë e shpejtë, dhe ne mendojmë se ju do të kënaqeni gjatë përdorimit, thuhet në njoftimin zyrtar të mikro-blogut.

Aplikacioni zyrtar i Twitter për Windows Phone 7 është në dispozicion për shkarkim dhe ofrohet pa pagesë.